पूर्व च्याम्पियन मनान्गोई निलम्बित

एजेन्सी । केन्याली धावक एलिजाह मनान्गोई अस्थायी निलम्बनमा परेका छन् ।

प्रतिबन्धित औषधि प्रयोग (एन्टी- डोपिङ) को नियम उलंघन गरेपछि मनान्गोईलाई निलम्बन गरिएको हो ।

एथ्लेटिक्स इन्टीग्रिटी युनिटले बिहीबार मनान्गोईलाई निलम्बन गरिएको जनाएको छ ।

२७ वर्षीय मनान्गोईले लण्डनमा भएको सन् २०१७ को विश्व च्याम्पियनसिपमा १५ सय मिटर दौडमा स्वर्ण जितेका थिए ।

यस्तै २०१८ मा भएको कमन्थवेल गेम्समा समेत उनले स्वर्ण जितेका थिए ।

मनान्गोई पछिल्लो १२ महिनामा तीन पटक डोपिङ परिक्षणमा अनुपस्थित भएका थिए ।

जसको कारण उनलाई अस्थायी रुपमा निलम्बन गरिएको हो ।

एक वर्ष भित्र ३ पटक डोपिङ परिक्षण गर्न असफल भए एथ्लेटिक्सको एन्टी डोपिङ नियम उलंघन गरेको मानिन्छ ।