काठमाडौं । प्रथम त्रिभुवन विश्व बिद्यालय अन्तर कलेज बिएसी सिएसआईटि बास्केटबल प्रतियोगिताको उपाधिका लागि न्यु समिट र टेक्सस कलेजले प्रतिस्पर्धा गर्ने भएका छन् ।
सोमबार भएको सेमिफाइनलमा न्यु समिटले पाटन बहुमुखी क्याम्पस र टेक्ससले बर्नहार्ट कलेजलाई हराएर फाइनल यात्रा तय गरेका हुन् । फाइनल मंगलबार हुनेछ ।
सिनामंगलको क्लासिक कलेजमा भएको पहिलो सेमिफाईनलमा न्यु समिटले पाटनलाई ४२–३१ को स्कोरमा हरायो । न्यु समिटका लागि कप्तान सुशान्त धिमिरेले सर्वाधिक १६ स्कोर गरे ।
दोस्रो सेमिफाईनलमा टेक्ससले बर्नहार्टमाथी ५०–४८ को स्कोरको रोमाञ्चक जित निकाल्यो । दुवैले निर्धारित समयमा ४३–४३ को बराबरी गरेपछि खेल अतिरिक्त समयमा लम्किएको थियो । थप गरिएको ४ मिनेटको समयमा टेक्ससले बाजी मार्यो । टेक्ससका संजित जङ गुरुङले १६ स्कोर गरे ।
