एसियन गेम्स : बक्सिङका तेज पहिलो चरणमा पराजित

काठमाडौं । इन्डोनेसियामा जारी एसियन गेम्स अन्तर्गत बक्सिङ स्पर्धामा नेपालका तेज बहादुर देउवा पहिलो चरणमै पराजित भएका छन् ।

शनिबार पुरुषको लाइट फ्लाई ४९ केजी तौल समूहमा तेज लाओसका खेलाडीसंग पराजित भए । तेजलाई लाओसका खाम्फुभान्स खाम्साथोनले  अंकको आधारमा ३ - १ ले पराजित गरे  ।

बक्सिङतर्फ नै शुक्रबार नेपालकी संगीता सुनार ५७ केजी तौल समूहमा पराजित भएकी थिइन् ।