काठमाडौं । आयोजक जेभियर ईन्टरनेशनल कलेजले छैटौं जेभियर ईन्टरनेशनल यु–१९ तथा दोस्रो जेभियर ए लेभल थ्रि अन थ्रि बास्केटबल प्रतियोगितामा ब्वाईज र गल्र्स दुवैमा जित हात पारेका छन् ।
शुक्रबार भएको ब्वाईजमा जेभियरको बि टिमले ज्ञान निकेतनमाथी ५२–३९ अंकको जित निकालेको हो । पहिलो र दोस्रो क्वाटरमा १९–११ र ३०–२३ को जित निकालेको जेभियरले तेस्रोमा पछि परेपनि जित निकाल्यो ।
यस्तै गल्र्स तर्फ पनि जेभियरले समृद्धिमाथी ३०–२३ को जित हात पार्यो । जेभियरकी रोजी नापितले १० अंक जोडिन् ।
प्रतियोगिता अन्तर्गत नै टाईम्सले ओमेगालाई ६७–४७ अंकले पराजित गर्यो । टाईम्सका पासाङ्ग मास्केले २३ अंकको योगदान गरे ।
न्यु समिटले ह्वाईटहाउसमाथी ३३–२३ को जित निकाल्यो । अर्को खेलमा गोल्डेनगेटले बर्नहार्टलाई ६१–२७ अंकले पाखा लगायो ।
