ग्लोबल नेप्लिज कराते अर्गनाइजेसन गठन

काठमाडौं । विश्वभर रहेका नेपाली कराते खेलाडी तथा प्रशिक्षकहरूलाई जोडन ग्लोबल नेप्लिज कराते अर्गानाइजेसन गठन गरिएको छ ।

नेपालमा करातेका खेल विकास र विस्तारमा सघाउ पुर्याउने उद्देश्यले सुरेन्द्रलाल श्रेष्ठको अध्यक्षतामा ग्लोबल नेप्लिज कराते अर्गनाइजेसन गठन भएको हो ।

नेपाली करातेका पूर्व खेलाडी आरके श्रेष्ठ पहारीले देशमा रहँदा कराते खेलमा योगदान पुर्याइएका पूर्व खेलाडी र प्रशिक्षकलाई विदेशमा रहेर पनि एकै ठाउँ उभ्याउने माध्यमका लागि ग्लोबल नेप्लिज कराते अर्गनाइजेसन गठन गरेका बताए ।

‘यसअघि पनि हामीले विदेशी भूमिमा रहेर नेपाली खेलाडीलाई अप्ठ्यारो परेको समयमा साथ दिँदै आएका थियौं,’ आरकेले भने, ‘अब संस्थागत रूपमै एकजुट भएर नेपाली खेलक्षेत्रको विकासमा लाग्ने लक्ष्य बनाएका हौं ।’

आरकेका अनुसार कार्यसमिति सर्वसम्मत रूपमा गठन भएको हो । हाल दक्षिण कोरियामा रहेका आरके ग्लोबल नेप्लिज कराते अर्गनाइजेसनका उपाध्यक्षसमेत हुन् ।

त्यस्तै अन्य उपाध्यक्षमा रामेश्वर श्रेष्ठ र जनक राई चयन भएका छन् । महासचिवमा सरोज भट्टराई, सचिवमा मुकेश बरुवाल र कोषाध्यक्षमा सुनीता श्रेष्ठ महर्जन चयन भएका छन् ।

सदस्यहरूमा साजनराज मास्के, प्रशान्तकर्म सिंह, कृष्ण गुरुङ, लोकमानसिंह, मकेन्द्रबहादुर सिंह श्रेष्ठ र फुर्बा तामाङ छन् । अर्गनाइजेसनको मुख्य उद्देश्य नेपाली खेलाडीलाई खेल क्षेत्रमा अगाडि बढ्न उत्पे्ररणा दिने रहेको उपाध्यक्ष आरकेले जानकारी दिए ।

लकडाउनको समयमा अनलाइन प्रविधिबाट भएको भेलाले पिछडिएका क्षेत्रमा रहेका प्रतिभावान् खेलाडीको उत्थान र प्रवर्धनमा गहन भूमिका खेल्ने निष्कर्ष निकालेको छ ।