काठमाडौं । आई डब्लु एफ एन कराते डो संघ ललितपुरले अन्तर्राष्ट्रिय पदक विजेता खेलाडीहरुलाई सम्मान गरेको छ ।
संघले भारतको हरियाणा पानीपथ राज्यमा गत मंसिर १३ देखि १५ सम्म भएको वादो कप अन्तराष्ट्रिय कराँते प्रतियोगितामा स्वर्ण, रजत र कास्य पदक प्राप्त गर्ने २६ नेपाली खेलाडीलाई सम्मान गरेको हो ।
संघले खेलाडीका साथै टिम प्रशिक्षकहरुलाई समेत सम्मान गरेको आई डब्लु एफ एन कराते डो का प्रमुख प्रशिक्षक एवं अन्तर्राष्ट्रिय रेफ्री बुद्धराज नेगीले बताए ।
कार्यक्रममा बागमती प्रदेशका प्रदेश सांसद एवम् संघका अध्यक्ष लक्ष्मण लम्साल, नेपाल कराते महासंघका उपाध्यक्ष पुरेन्द्रविक्रम लाखे, प्रमुख प्रशिक्षक मदन उप्रेतीलगायतको उपस्थिति रहेको थियो।
