काठमाडौं । ज्ञान निकेतन नवौं इनोभेटिभ कप अन्तरविद्यालय बास्केटबल प्रतियोगिताको ब्वाइजमा आइतबार सेमिफाइनलमा प्रवेश गरेको छ ।
बुद्धनगरस्थित आयोजक इनोभेटिभको कोर्टमा ज्ञान निकेतनले एआईएलाई ५८–२९ ले पराजित गर्यो । ज्ञान निकेतनको सहज जितमा विवेक यादवले २३ स्कोर गरे ।
ब्वाइजमै समिप खत्रीको ३० अंक सहयोगमा नेरिकले पुष्प सदनलाई ६९–५७ ले हरायो । जितसंगै नेरिक समूह ‘ए’ को विजेता हुँदै सेमिफाइनलमा पुग्यो । पुष्प सदन पनि समूह उपविजेताका रुपमा सेमिफाइनलमा पुग्न सफल भयो । सेमिफाइनलमा नेरिकको भेट ज्ञान निकेतनसंग हुने छ भने पुष्प सदनले इनोभेटिभको सामना गर्ने छ ।
गल्र्समा पनि नेरिकले सेमिफाइनलमा स्थान पक्का गर्यो । नेरिकले क्लिनटनलाई २८–२१ ले पाखा लगायो । नेरिककी इक्स्या सहनीले १४ अंक जोडिन् ।
यो खेल संगै गल्र्समा पनि सेमिफाइनल समीकरण तयार भएको छ । सेमिफाइनलमा नेरिकले स्वप्न वाटिका एकेडेमी तथा एसियन पब्लिकले इनोभेटिभ विरुद्ध खेल्ने छन् ।
