ज्ञान निकेतन विजयी

काठमाडौं । ज्ञान निकेतनले नवौं इनोभेटिभ कप अन्तरविद्यालय बास्केटबल प्रतियोगिताको ब्वाइजमा बिहीबार जित हात पारेको छ ।

ज्ञान निकेतनले हिमालीलाई ५३–४० ले पराजित गर्यो । ज्ञान निकेतनको जितमा विवेक यादवले २० अंक योगदान गरे ।

ब्वाइजमै पुष्प सदन र आयोजक इनोभेटिभले सफलता पाए । कर्माको २२ अंक सहयोगमा पुष्प सदनले हिमालयनलाई ४७–२६ ले हरायो । इनोभेटिभले अवेरनेस इन्टरनेसनल एकेडेमी (एआईए) माथि ४९–१२ को सहज जित रच्यो । इनोभेटिभका कृजल अवालेले १५ स्कोर गरे ।

गल्र्सतर्फ भएको एक मात्र खेलमा नेरिक एकेडेमी विजयी भयो । नेरिकले एसियन पब्लिकमाथि २१–२० को कठिन जित दर्ता ग¥यो । नेरिककी निरा खत्रीले ७ स्कोर गरिन् । प्रतियोगिताअन्तर्गत शनिबार दुई खेल मात्र हुने इनोभेटिभका इसीए इन्चार्ज सुशिल प्रधानले जानकारी दिए ।