भक्तपुर । छैटौं संस्करणको एजे कप अन्तर विद्यालय भलिबल प्रतियोगिता फागुन पहिलो साताबाट आयोजना हुने भएको छ ।
भक्तपुरको सूर्यविनायकस्थित आदर्श ज्योति (एजे) सेकेण्डरी स्कुलको आयोजनामा हुने प्रतियोगिता फागुन २ गतेबाट सुरु हुने प्रतियोगिताका संयोजक रुकेश शाहीले जानकारी गराए ।
प्रतियोगितामा छात्रा र छात्रको प्रतिस्पर्धा हुनेछ । प्रतियोगितामा कक्षा १२ सम्म अध्ययनरत विद्यार्थीले खेल्न पाउने छन् ।
नेपाल भलिबल संघ र फेडेरेशन अफ इन्टरनेशल भलिबल (फिबा) को नियमअनुसार खेलाईने प्रतियोगिताको विजेता, उपविजेता र तेस्रो हुने विद्यालयलाई नगद, शिल्ड, मेडल, प्रमाणपत्रले पुरस्कृत गरिनेछ ।
यस्तै प्रतियोगितामा उत्कृष्ट स्पाइकर, सेटर, ब्लकर, सर्भर, प्लेयर अफ दि टुर्नामेन्ट टिमलाई पनि पुरस्कृत गरिनेछ ।
