बास्केटबल लिजेण्ड कोबीको निधन

एजेन्सी । बास्केटबलका लिजेण्ड कोबी ब्रायन्टको हेलिकप्टर दुर्घटनामा निधन भएको छ । कोबी सवार हेलिकप्टर दुर्घटनामा परेको हो । ४१ बर्षिया कोबी सहित हेलिकप्टरमा सवार ९ जनाको मृत्यु भएको छ ।

हेलिकप्टर दुर्घटनामा उनकी १३ बर्षको छोरी समेत परेकी छिन् ।

लस एन्जेलिस टाईम्सका अनुसार घटना बिहान १० बजे भएको हो । कुहिरोको कारण हेलिकप्टर दुर्घटनामा परेको अनुमान गरिएको छ । जसका कारण उद्धारमा समेत समस्या भएको छ ।

कोबीले २० बर्षको बास्केटबल करियरमा धेरै कीर्तिमान आफ्नो नाममा लेखाएका छन् । उनले नेश्नल बास्केटबल एसोसियसनकाको तर्फबाट खेल्दै ५ पटक च्याम्पियन बनेका थिए ।

सन् २०१६ माउनी एनबीएको सर्बाधिक तेस्रो स्कोरकर्ताको रुपमा उनले सन्यास लिएका थिए । उनले सन् २००८ देखि २०१२ सम्म ओलम्पिकमा अमेरिकालाई दुई पटक स्वर्ण दिलाएका थिए ।