धनगढीमा भेट्रान भलिबल हुने

धनगढी । धनगढीमा वडा स्तरीय भेट्रान भलिबल प्रतियोगिता हुने भएको छ ।

धनगढी उपमहानगरपालिका वडा नम्बर ४ को कार्यालयको आयोजनामा प्रतियोगिता पुस २४ गतेदेखि २६ गतेसम्म हुनेछ ।

धनगढी उपमहानगरपालिकाका वडाहरुको टिमले सहभागीता जनाउने प्रतियोगिताको विजेताले नगद ४१ तथा उपविजेताले नगद २५ हजार पाउने छन् ।

प्रतियोगिता नकआउटका आधारमा सञ्चालन हुनेछ । प्रतियोगितामा सहभागी टिमलाई दुई समुहमा विभाजन गरिनेछ ।

लिग चरणका खेलहरु वेष्ट अफ थ्री र सेमिफाईनल र फाईनलका खेलहरु वेष्ट अफ फाईबका आधारमा सञ्चालन हुनेछ ।