काठमाडौं । नेपाली पुरुष भलिबल टिमका स्पाइकर मानबहादुर श्रेष्ठ रहेको टिम गुडिस स्पोर्ट्स क्लबले माल्दिभ्सको पुरुष भलिबल लिगमा दोस्रो जित निकालेको छ ।
मालेमा शनिबार राति भएको खेलमा गुडिसले पुलिस क्लबलाई ३-१ को सेटमा पराजित गरेको हो ।
पहिलो सेट २६-२४ ले गुमाएको गुडिसले त्यसपछिको सेट २५-१८,२५-२० र २५-१७ ले जित्दै दोस्रो जित निकालेको हो ।
यस अघि गुडिसले पहिलो खेलमा स्पोर्ट्स क्लब हक्सलाई ३-० को सोझो सेटमा हराएको थियो । तर, दोस्रो खेलमा गुडिस धिहेबी क्लबसँग ३-० को सोझो सेटमा पराजित भएको थियो ।
अघि आइतबार गुडिसले स्पोर्ट्स क्लब हक्सलाई ३-० को सोझो सेटमा हराएको थियो ।
अब गुडिसले चौंथो खेलमा स्पोर्ट्स क्लब सिटीसँग खेल्नेछ । यस क्लब मानबहादुरको पूर्व क्लब समेत हो । मानबहादुरले सन् २०१८ मा सिटीबाट खेलेका थिए ।
लिगका लागि मानबहादुर गत मंगलबार माल्दिभ्स गएका थिए ।
