माल्दिभ्समा मानबहादुरको टिम पराजित

काठमाडौं । नेपाली पुरुष भलिबल टिमका स्पाइकर मानबहादुर श्रेष्ठ रहेको टिम गुडिस स्पोर्ट्स क्लब माल्दिभ्सको पुरुष भलिबल लिगमा पराजित भएको छ ।

मालेमा शुक्रबार राति भएको खेलमा गुडिस धिहेबी क्लबसँग ३-० को सोझो सेटमा पराजित भएको हो । धिहेबीले गुडिसलाई २५-१७, २५-१९ र २५-२१ को सेटमा पराजित गर्यो ।

एस अघि बुधबार गुडिसले स्पोर्ट्स क्लब हक्सलाई ३-० को सोझो सेटमा हराएको थियो ।

अब गुडिसले तेस्रो खेलमा शनिबार पुलिस क्लबसँग खेल्नेछ ।

लिगका लागि मानबहादुर मंगलबार माल्दिभ्स गएका थिए ।

मानबहादुरले यसअघि सन् २०१८ मा माल्दिभ्सको लिग सिटी स्पोर्ट्स क्लबबाट खेलेका थिए ।