काठमाडौं । राष्ट्रिय पुरुष भलिबल टिमका स्पाइकर मानबहादुर श्रेष्ठ रहेको टिम गुडिस स्पोर्ट्स क्लबले माल्दिभ्सको पुरुष भलिबल लिगमा विजयी सुरुवात गरेको छ ।
मालेमा बुधबार राति भएको पहिलो खेलमा गुडिसले स्पोर्ट्स क्लब हक्सलाई ३-० को सोझो सेटमा हराएको हो ।
गुडिसले २५-१५, २५-१७ र २५-१९ को जित निकालेको हो ।
अब गुडिसले दोस्रो खेलमा शुक्रबार दिहेभीसँग खेल्नेछ ।
लिगका लागि मानबहादुर मंगलबार माल्दिभ्स गएका थिए ।
मानबहादुरले यसअघि सन् २०१८ मा माल्दिभ्सको लिग सिटी स्पोर्ट्स क्लबबाट खेलेका थिए ।
