प्रतिभाको टिम माल्दिभ्सको च्याम्पियन

काठमाडौं । राष्ट्रिय भलिबल टिमकी खेलाडी प्रतिभा माली प्रेरित पुलिस क्लबले माल्दिभ्सको राष्ट्रिय भलिबल च्याम्पियनसिपको उपाधि जितेको छ ।

शनिबार साँझ भएको फाईनलमा वाम्कोलाई ३–० को सोझो सेटमा हराउँदै पुलिसले उपाधि उचालेको हो ।

प्रतिभालाई माल्दिभ्सको पुलिसले प्रतियोगिता खेल्न नेपालबाट लगेको थियो ।

करिब एक हप्ता सम्म चलेको प्रतियोगितामा प्रतिभाले उत्कृष्ट प्रर्दशन गरेकी थिईन् । उनी पुलिसबाट ५ खेल खेल्दा तीन खेलमा वुमन अफ दि म्याच घोषित भएकी थिईन् ।

उनलाई क्लबले कुनैपनि सेट परिवर्तन नगरेर खेलाएको थियो ।

उनकै प्रभावले पुलिसले प्रतियोगिताको उपाधि जितेको हो ।

खेलपछि खेलपाटीसंग प्रतिभाले सबैको मन जित्न सफल भएको प्रतिक्रिया दिएकी छिन् ।

'सबै खुसी छन् । व्यक्तिगत रुपमा मलाई राम्रो लागेको छ ।' उनले भनिन् ।

प्रतियोगिता डिसेम्बर १४ देखि २१ सम्म चलेको थियो ।