भीमेश्वरको विजयी सुरुआत

काठमाडौं । भीमेश्वर एकेडेमीले चौथो फिजम कप अन्तरविद्यालय बास्केटबल प्रतियोगिताको ब्वाइजमा मंगलबार विजयी सुरुआत गरेको छ ।

संस्थागत विद्यालय सञ्चालकहरुको मञ्चद्वारा आयोजित प्रतियोगितामा भीमेश्वरले नेपाल तारालाई ३४–७ ले पराजित गर्यो ।

ब्वाइजमै हिमालयनले स्वर्णिम तारालाई ४०–३०, मोनास्टिकले लाइसियम प्याराडाइसलाई २४–१०, ग्रामरले ग्रिनविचलाई १०३–१५, हेब्रोनले नेक्सस्लाई ३७–९ र जेनिअमले विद्या सदनलाई २४–६ ले हराए ।

गोठाटारस्थित मोनास्टिक पब्लिक इङलिस स्कुलमा भइरहेको प्रतियोगिताको गल्र्समा ग्रिनविचले लाइसियम प्याराडाइसलाई १४–८, हिमालयनले नेक्ससलाई २७–८, ग्रामरले मोनास्टिकलाई २९–२ र नेपाल ताराले दीपिका स्कुललाई ११–४ ले पाखा लगाए ।

प्रतियोगिताको राष्ट्रिय पुरुष बास्केटबल टोलीका कप्तान सदीश प्रधानले निर्णायकलाई एक कार्यक्रमबीच बल हस्तान्तरण गरी उद्घाटन गरे । ब्वाइज÷गल्र्समा समान १५–१५ गरी ३० टिम सहभागी छन् ।