कौस्तुभ र करियर फाइनलमा

काठमाडौं । कौस्तुभ एकेडेमी र करियर चौधौं फेका कप अन्तरविद्यालय छात्र फुटबल प्रतियोगितामा बिहीबार फाइनलमा प्रवेश गरेका छन् ।

पेप्सीकोला टाउन प्लानिङको मैदानमा कौस्तुभले कस्मिकलाई २–० गोलले पराजित गर्यो  । कौस्तुभका विलोभ तामाङ र रविन बमले गोल गरे ।

अर्को सेमिफाइनलमा करियरले गेटवेलाई २–० गोलले नै हरायो । करियरका साहिल बस्नेत र सम्योग गुरुङले गोल गरे ।

गत संस्करणमा पनि कौस्तुभ र करियर नै उपाधिका लागि भिडेका थिए । त्यसमा करियर पेनाल्टी सुटआउटमा विजयी भएको थियो ।