बक्सिङ : नेपालका भुपेन्द्रलाई स्वर्ण

काठमाडौं । १३ औं दक्षिण एसियाली खेलकुद (साग) अन्तर्गत बक्सिङमा नेपालका भुपेन्द्र थापा मगरले स्वर्ण जितेका छन् ।

सातदोबाटोस्थित कराते हलमा सोमबार भुपेन्द्रले ६४ केजी तौल समूहमा स्वर्ण जितेका हुन् ।

भुपेन्द्रले भारतका मनिष कौसिकलाई हराएर स्वर्ण जितेका हुन् । श्रीलंका र बंगलादेशले कास्य जित्यो ।

योसँगै १३ औं सागमा नेपालको स्वर्ण संख्या ४७ पुगेको छ ।

यस्तै महिला ६० केजी तौल समूहमा नेपालकी संगीता सुनारले रजत जितिन् । भारतले स्वर्ण र श्रीलंकाले कास्य जित्यो ।

पुरुष ९१ केजी हेबीवेटतर्फ नेपालका अर्जुन सिगुले कास्य जिते । भारतका गौरव चौहानले स्वर्ण र पाकिस्तानका सन्नाउल्लाहले रजत जिते ।

पुरुष ५६ केजीमा नेपालका पुरन राईले कास्य जिते । भारतले स्वर्ण, बंगलादेशले रजत र अर्को कास्य पाकिस्तानले जितेको छ ।