जनकपुर । १३ औं दक्षिण एसियाली खेलकुद (साग) अन्तर्गत कुस्तीमा नेपालकी संगीता धामीले स्वर्ण जितेकी छिन् ।
जनकपुरमा शनिबार ५५ केजीमा बंगलादेशका खेलाडीलाई हराएर संगीताले स्वर्ण जितेकी हुन् ।
संगीताले सार्केर रिमिलाई ४-१ ले हराईन् ।
कुस्तीमा नेपालले जितेको यो पहिलो स्वर्ण हो । योसँगै सागमा नेपालको स्वर्ण संख्या ४३ पुगेको छ ।
महिला ५० केजीमा नेपालकी मनिषा सिंहले कास्य जित्दा भारतले स्वर्ण र श्रीलंकाले रजत जित्यो ।
महिला ५३ केजीमा नेपालकी सिवांगी डुबेले रजत जितिन् । भारतले स्वर्ण र श्रीलंकाले कास्य जित्यो ।
पुरुष ५७ केजीमा नेपालका नरेश प्रसाद यादवले कास्य जित्दा भारतले स्वर्ण र श्रीलंकाले रजत जित्यो ।
पुरुष ६५ केजीमा नेपालका सरोज यादवले कास्य जिते । भारतले स्वर्ण र श्रीलंकाले कास्य जित्यो ।
महिलाको ५७ केजीमा भारतकी सरिताले स्वर्ण जितिन् । नेपालकी अम्बिका भण्डारीले रजत जितिन् ।
७६ केजीमा भारतकी गुर्शरणा प्रीति कपुरले स्वर्ण तथा श्रीलंकाकी चान्तले रजत जिते ।
पुरुष ७० केजीमा पाकिस्तानका अयात उल्लाहले स्वर्ण, श्रीलंकाका निलले रजत र नेपालका सुरेश चुनाराले कास्य जिते ।
पुरुष ७९ केजीमा पाकिस्तानका रेहमानले स्वर्ण, श्रीलंकाका अनाकाले रजत र नेपालका बुन्नीलाल राउत ऐरले कांस्य हात पारे ।
पुरुष ९७ केजीमा भारतका काडियन सत्यवर्थ प्रथम, पाकिस्तानका अयाब द्वितीय र बंगलादेशका अवला दराबुरोसित तृतीय भए ।
पुरुष १२५ केजीमा भारतका सुमितले स्वर्ण, पाकिस्तानका जमान अन्वरले रजत र नेपालका राज यादवले कांस्य जिते ।
