काठमाडौं । राष्ट्रिय महिला भलिबलका मुख्य प्रशिक्षक जगदीश भट्टले झोलीमा परिसकेको स्वर्ण गुमाउँदा दुख लागेको बताएका छन् ।
नेपालमा आयोजना भएको १३ औं दक्षिण एसियाली खेलकुद प्रतियोगिता (साग)मा लगातार दुई सेट जितेको नेपालले अन्तिम दुई सेट गुमाउँदा रजत पदकमै चित्त बुझाउनु परेको थियो ।
भारतसंग पिडादायी हार ब्यहोरेका प्रशिक्षक भट्टले झोलीमा परिसकेको स्वर्ण गुमाउँदा आफुलाई धेरै दुख लागेको उल्लेख गरेका छन् ।
‘नयाँ खेलाडीको प्रर्दशन राम्रो छ । भारतविरुद्व टिमले १५ कटाएको थिएन । तर अहिले पाँचौ सेट खेल्यौ ।’ उनले भने, ‘झोलीमा परिसकेको स्वर्ण गुमाउँदा दुख लागको छ ।’
उनले हारको जिम्मेवारी आफुले लिने बताउँदै राखेप, भलिबल संघ र भलिबल प्रेमीले दिएको साथका लागि धन्यवाद दिए ।
उनले भारतविरुद्ध रणनीति बनाए अनुसार नतिजा आउन नसकेको उल्लेख गरे ।
उनले अन्तिम सेटमा केही सर्भिस र सामान्य बललाई राम्रोसंग नलिनु हारको कारण रहेको बताए ।
‘अब भारत र श्रीलंकासँग चुनौती छैन । किनकि उनीहरुले पनि सोच्नु पर्ने अवस्था आएको छ । उनीहरु नेपाललाई बेवास्ता गरेर खेल्थे तर अब नेपाल समेत छ भनेर खेल्छन् ।’ उनले थपे ।
कप्तान अरुणा शाहीले सानो—सानो गल्तीले गर्दा अन्तिम सेट हार्न पुगेको बताईन् ।
‘अन्तिम सेटमा सानो—सानो गल्तीले अन्तिम सेट हा¥यौ ।’ उनले भनिन्, ‘समग्रमा प्रतियोगिता राम्रो भयो । नेपाल र भारतमा धेरै फरक छ तर पनि खेल भने टक्करको भयो ।’
स्वर्ण जित्नकालागि टिमलाई निरन्तर प्रशिक्षणको खाँचो भएको बताईन् ।
‘टिमलाई निरन्तर प्रशिक्षणको खाँचो छ । निरन्तर प्रशिक्षण पाएमा अर्काे सागमा पक्कै स्वर्ण जित्छौ ।’ उनले थपिन् ।
