करातेको साग तयारी मलेसियामा

काठमाडौं । नेपालमा आयोजना हुने १३ औं दक्षिण एसियाली खेलकुद (साग) का लागि करातेको विशेष तयारी मलेसियामा हुने भएको छ । 

सागका लागि छनोट भएका २९ खेलाडीसहित ३३ सदस्यीय नेपाली टोलि आइतबार मलेसिया जाने छन् । नेपाली टोलिले क्वालालम्पुर प्रशिक्षण गर्ने छन् ।

त्यसपछि नेपाली टिम पाँचौं दक्षिण एसियाली कराते च्याम्पियनसिप खेल्न नोभेम्बर ५ मा बंगालादेशको ढाका पुग्ने छ । प्रतियोगिता नोभेम्बर ७ देखि ९ तारिखसम्म हुने छ । टोली नोभेम्बर १० तारिखमा नेपाल फर्कने कार्यक्रम छ ।

पुरुष खेलाडीमा मन्डेकाजी श्रेष्ठ, महसुश तामाङ, प्रवीण मानन्धर, सोनाम लामा, लक्ष्मण तामाङ, राजीव पुडासैनी, राजकुमार रसाइली, नवीन रसाइली, अर्जुन चन्द, गंगाराम कुशुवार, मुकुन्द्र महर्जन, दिवस श्रेष्ठ, सुशील पौडेल, विप्लवलाल श्रेष्ठ र लेखनाथ मैनाली रहेका छन् ।

महिलामा निर्मला तामाङ, सरु कार्की, संगीता मगर, चन्चला दनुवार, कुसुम खड्का, अनु अधिकारी, मनीषा चौधरी, सुस्मिता वाइबा, अनु गुरुङ, एस्टर राई, सुनिता महर्जन, सनी तामाङ, अनुपमा मगर र रिता कार्की छन् । खेलाडीले व्यक्तिगत र टिम कुमुते तथा कातामा प्रतिस्पर्धा गर्ने छन् ।

प्रशिक्षकमा गंगाराम महर्जन र राजेश श्रेष्ठ तथा व्यवस्थापकमा मिङमार शेर्पा र राजेन्द्र बराल छन् । टोलीलाई राष्ट्रिय खेलकुद परिषद्का सदस्य–सचिव रमेशकुमार सिलवालले शनिबार एक कार्यक्रमबीच बिदाइ गरे ।