काठमाडौं । नेपालका उदियमान ब्याडमिन्टन खेलाडी प्रिन्स दाहाल दुबईमा जारी दुबई जुनियर ईन्टरनेशनल सिरिजको सेमिफाइनलमा प्रवेश गरेका छन् ।
अघिल्लो संस्करणका विजेता प्रिन्सले यू-१९ पुरुष एकलतर्फ भारतका खेलाडीलाई पराजित गर्दै सेमिफाइनलमा स्थान बनाएका हुन् ।
क्वाटरफाइनलमा प्रिन्सले भारतका रोहण गुर्बानीलाई २१-१६ र २४-२२ ले पराजित गरे ।
प्रिन्सले दुवईका नवाह नजिवसंग मिलेर पुरुष युगलमा पनि जित निकाले । उनको जोडीले भारतका तान्मोई विकास वोरुहा तथा ऐयाद रशिदको जोडीलाई २१-११, २१-१६ ले पाखा लगाउँदै अन्तिम चारको यात्रा तय गरेका हुन् । अब दाहाल जोडीले फाईनल प्रवेशका लागि गालुवा दुई पुत्र र गाब्रियल क्रिस्टोफर विन्तान विजायको जोडी संग प्रतिस्पर्धा गर्ने छ ।
यस्तै प्रिन्सले दुवईमानै रहेकी महेन्द्र नगरकी सानिया चन्दसंग मिलेर दुवईका बशन्त कुमार राजेन्द्रन र तनिका नितु सकिरालाई ९-२१, २१-१९, २१- १६ ले पराजित गर्दै सेमिफाईनल प्रवेश गरको प्रिन्सका प्रशिक्षक एवं मामा कमलेश निरौलाले जानकारी गराए ।
अब प्रिन्स र चन्दको जोडीले फाईनल प्रवेशका लागि इन्डोनेसियाका गलुह दुई पुत्र र जैनवा रिम सिराज संग प्रतिपर्धा गर्ने छन् ।
