इटहरी । राष्ट्रिय च्याम्पियन रशिला महर्जन योनेक्स सनराईज नवौं पुष्पलाल स्मृती राष्ट्रिय र्याङ्किङ ब्याडमिन्टन प्रतियोगितामा तीन उपाधि नजिक पुगेका छन् ।
प्रतियोगिता अन्तर्गत बिहिबार भएको खेलमा जित निकाल्दै रशिला महिला एकल, महिला युगल र यू-१७ गरि तीन स्पर्धाको फाइनलमा पुगेकी छिन् ।
सेनाकी रशिलाले महिला एकलमा सातौं संस्करणकी विजेता जेशिका गुरुङलाई २१-१७, १८-२१, २१-१३ ले तथा छात्रा यू-१७ तर्फ राजधानी युथ क्लब मोरङकी रोज पाण्डेलाई २१-९, २१-१६ ले पन्छाउँदै फाइनलमा स्थान पक्का गरिन् ।
अब रशिलाले उपाधिका लागि महिला एकलमा अघिल्लो संस्करणकी विजेता नङसल देवी तामाङसंग प्रतिस्पर्धा गर्ने छिन् ।
भोजपुरबाट खेलेकी तामाङले राजधानी युथ क्लब, मोरङकी सिमा राजबंशीलाई २१-१७, २१-१२ ले पराजित गर्दै फाईनल यात्रा तय गरेकी हुन् ।
महिला युगलमा रशिलाले सेनाकी रञ्जना भट्टसंग मिलेर बाँकेकी संझना शर्मा र मोरङ्गकी सिमा राजबंशीको जोडीलाई २१-१५, २१-१७ ले पराजित गर्दै फाईनलमा एपिएफका जेशिका गुरुङ र पुजा श्रेष्ठको जोडीसंगको भेट पक्का गरिन् ।
जेशिका र पुजाको जोडीले सेनाका अमिता गिरी र अनुमाया राईको जोडीलाई २१-१५, ११-२१, २१-१७ ले पराजित गर्दै फाईनल प्रवेश गरेका हुन् ।
यू-१७ तर्फ रशिलाले राजधानी युथ क्लब, मोरङकी सिमा राजबंशीसँग उपाधिका लागि खेल्ने छिन् । रशिलाले राजधानी युग क्लब, मोरङकी रोज पाण्डेलाई २१-९, २१-१६ ले तथा राजबंशीले सेनाकी रञ्जना भट्टलाई १६-२१, २१-१६, २१-१४ ले पराजित गर्दै फाईनलमा स्थान बनाएकी हुन् ।
पुरुष एकलतर्फ राष्ट्रिय च्याम्पियन एपिएफका दिपेश धामीले भोजपुरका पूर्व राष्ट्रिय च्याम्पियन विकास श्रेष्ठलाई २१ – १२, २१ – १४ ले पन्छाउँदै फाईनलमा चिर प्रतिद्वन्दि पूर्व राष्ट्रिय च्याम्पियन सेनाका रत्नजित तामाङसंगको भेट पक्का गरे । अघिल्ला सात संस्करणका विजेता रत्नले आफ्नै क्लबका नविन श्रेष्ठ माथि २१-१४, २१-१९ को जित निकाले ।
यसैगरि दिपेश र रत्न युगलमा पनि उपाधीका लागि भिड्ने भएका छन् । युगल तर्फ दिपेशले विजित थापा मगर संग मिलेर बाँकेका रियाज अन्सारी र ईरफान अन्सारीलाई २१-१५, २१-१७ ले पन्छाए । यस्तै रत्नले नविन श्रेष्ठ संग मिलेर सेनाकै प्रफुल महर्जन र रुकेश महर्जनको जोडीलाई २१-१५, २४-२२ को कठिन जित निकाले ।
पुरुष खुल्ला तर्फ सेनाका पविन लिनथेप र कैलालीका देवराज राना फाईनल प्रवेश गरेका छन् । पविनले एपिएफका प्रियान्सु सिंह क्षेत्रीलाई १९- २१, २१ - ११, २१ - १८ ले तथा रानाले एपिएफकै निराजन देवकोटालाई २२ - २०, २१ -१८ ले पराजित गर्दै फाईनल प्रवेश गरेका हुन् ।
महिला खुल्ला तर्फ जेष्ट ब्याडमिनटन एकेडेमीकी मनिषा खड्का फाईनल प्रवेश गरेकी छिन् । खड्काले बाँकेकी सुष्मा श्रेष्ठलाई २२ - २०, १३ -२१, २१ -१७ ले पराजित गर्दै उपाधीका लागि कैलालीकी प्रार्थना देउवा संगको भेट पक्का गरेकी हुन् । देउवाले जेष्टकी सफी खत्रीलाई २१-१६, २१ - १० ले पाखा लगाईन् ।
छात्र यु १७ उपाधीका लागि कैलालीका अमृत चौधरी र एपिएफका प्रियान्सु सिंह क्षेत्री भिड्ने भएका छन् । चौधरीले कञ्चनपुरका हिमाल चन्दलाई २१ -१०, २१ -१८ ले तथा क्षेत्रीले सेनाका भोजबहादुर गुरुङ्गलाई २१-१५, २१-१९ ले पराजित गरे ।
भेट्रान्स जोडी तर्फ धनकुटाका किरण प्रधान र योगेश्वर श्रेष्ठको जोडी फाईनल प्रवेश गरे । प्रधान र श्रेष्ठको जोडीले ईलामका दर्शन भक्तराज र संजय भक्तराजको जोडीलाई २१-१४, २१-१० ले पन्छाए । यस्तै अर्को खेलमा पाल्पाका विरेन्द्र सिंह बिष्ट र महेश बज्राचार्यको जोडीले सुभाष श्रेष्ठ र रुद्र थिङ्गको जोडीलाई २२ - २०, १९ - २१, २१-६ ले पराजित गर्दै फाईनलमा प्रधान र श्रेष्ठको जोडीसंगको भेट पक्का गरको हो ।
