काठमाडौं । थ्री स्टार स्कुलले प्रथम बीबीबीएचएस अन्तरविद्यालय छात्र फुटबल प्रतियोगितामा बिहीबार जित हात पारेको छ ।
थ्री स्टारले आयोजक बाल विकास बोर्डिङ मावि (बीबीबीएचएस) ‘ए’ लाई ३–० गोलले पराजित गर्यो । थ्री स्टारका मनोज गुरुङ, होमबहादुर थापा र युवास लामाले १–१ गोल गरे ।
अन्य खेलमा सेन्ट जेभियर्स, ध्रुवतारा र टीआईएले जित हात पारे ।
सेन्ट जेभियर्सले शिशु मिलनलाई ४–१ गोलले हरायो । सेन्ट जेभियर्सका प्रितम दोङ र सुशील तामाङले समान २–२ गोल गरे । ध्रुवताराले स्किम्समाथि ४–० को जित निकाल्यो । ध्रुवताराका साहिल खड्काले ह्याट्रिक गरे भने दीपेश राईले १ गोल थपे ।
टीआईएले श्री बूढानीलकण्ठलाई २–० गोलले पाखा लगायो । टीआईएका अमिश पाल्देङ तथा मन्दिप हमालले १–१ गोल गरे ।
