काठमाडौं । न्यु समिट र एसियन पब्लिक स्कुल १० औं प्याब्सन मध्य क्षेत्रीय बास्केटबल प्रतियोगिताको सिनियर ब्वाइजमा शनिबार सेमिफाइनलमा प्रवेश गरेका छन् ।
न्यु समिटले हेम्सलाई ४९–१३ ले पराजित गर्यो । न्यु समिटको जितमा सशांक मगरले १४ अंक योगदान गरे । रोहित गुरुङको १४ अंक सहयोगमा एसियनले सेन्ट पाउललाई ३४–२२ ले हरायो ।
प्याब्सन मध्य क्षेत्रीय समिति, काठमाडौंको आयोजनामा शंखमूलस्थित एआईएको कोर्टमा भइरहेको प्रतियोगिताको सिनियर ब्वाइजमै काठमाडौं जेभियर र स्पाङगेल पनि आ–आफ्नो खेल जित्दै सेमिफाइनलमा पुगे ।
काठमाडौं जेभियरले एआईएलाई ४९–३५ ले पाखा लगायो । काठमाडौं जेभियरका रोहन दासले २२ स्कोर गरे । स्पाङगेलले चैतन्यको चुनौती ५०–३० ले पन्छायो । विजेताका रोहित बलामीले ३४ अंक जोडे ।
सेमिफाइनलमा स्पाङगेलको भेट न्यु समिटसंग हुने छ भने काठमाडौं जेभियरले एसियनको सामना गर्ने छ । जुनियर ब्वाइज र सिनियर गल्र्सतर्फ यसअघि नै सेमिफाइनल समीकरण तयार भइसकेको छ ।
