काठमाडौं । इनोभेटिभ १० औं प्याब्सन मध्य क्षेत्रीय बास्केटबल प्रतियोगिताको सिनियर गल्र्समा शुक्रबार सेमिफाइनलमा प्रवेश गरेको छ ।
प्याब्सन मध्य क्षेत्रीय समिति, काठमाडौंद्वारा आयोजित प्रतियोगितामा इनोभेटिभले भद्रघलेलाई २१–८ ले पराजित गर्यो । इनोभेटिभकी सब्यता महर्जनले ८ अंक जोडिन् ।
सिनियर गल्र्समै काठमाडौं जेभियरले स्पाङगेललाई २४–१२, एसियन पब्लिकले चैतन्यलाई २३–१२ र स्वप्न वाटिकाले अक्सिडेन्टललाई २०–१० ले हराउदै सेमिफाइनलमा स्थान सुरक्षित गरे ।
जुनियर ब्वाइजमा एसियनले एआईएलाई १८–१५, हेम्सले इनोभेटिभलाई १६–१२, चैतन्यले काठमाडौं जेभियरलाई १२–६ र स्वप्न वाटिकाले सनसाइनलाई १७–८ ले पाखा लगाउदै सेमिफाइनलमा स्थान पक्का गरे ।
