सन्ध्या र निशान्तलाई स्वर्ण

काठमाडौं । नवौं संस्करणको कोरियन एम्बेसडर नेशनल ओपन तेक्वान्दो च्याम्पियनसिपको क्याडेट महिला पुम्सेतर्फ सन्ध्या लामा र पुरुषतर्फका निशान्त थिङले स्वर्ण पदक जितेको छन् ।

सातदोबाटोस्थित तेक्वान्दो एकेडेमीमा बुधबार सम्पन्न प्रतियोगिताको क्याडेट महिला पुम्सेतर्फ कोटेश्वरकी सन्ध्याले स्वर्ण जितेकी हुन् । यसैगरी मुलपानीकी प्रगति कुइकेलले रजत पदक जित्दा सुशान्त तामाङ र तारा वाइबाले काँस्य हात पारेका छन् ।

यस्तै क्याडेट पुरुषतर्फ सगरमाथा एकेडेमीका निशान्त थिङले स्वर्ण हात पारे । कोटेश्वरका बिबेक लामाले रजत जिते । गोदावरीका श्रीजल श्रेष्ठ र मुलपानीका आयास ढुङ्गेलले कास्य जितेका छन् ।

क्याडेट महिला समूह पुम्सेतर्फका भ्याली डीआइभीका पूर्णिमा बस्नेत, रोजिना श्रेष्ठ र प्राप्ती पुनले स्वर्ण पदक जितेका छन् । यस्तै सुप्रिमले रजत र भक्तपुरले काँस्य जितेका छन् । यस्तै क्याडेट पुरुष समूह पुम्सेतर्फका बर्दियाका निर्मल पुन मगर, सन्दिप थारु र गोपाल खड्काको समूहले स्वर्ण जितेका छन् । समूहतर्फ नै न्यु जावलाखेल दोस्रो र सुप्रिम र सगरमाथा बानेश्वर तेस्रो भएको छ ।

जुनियर महिला पुम्सेतर्फ राष्ट्रिय टिमकी सन्जिला तिमलसिनाले स्वर्ण जितिन् । यस्तै राष्ट्रिय टिमकै स्वस्तिका तामाङले रजत, निशा दर्नालल र तनेपाल आर्मीकी रिता श्रेष्ठले काँस्य जिते । जुनियर पुरुष पुम्सेमा राष्ट्रिय टिमका अस्मिन राउतले स्वर्ण, कृष्ण बहादुर तामाङले रजत, राम गोले र चितवनका सागर बरालले काँस्य हात पारे ।

जुनियर पियर पुम्सेमा राष्ट्रिय टिमका निशा दर्नाल र कृष्ण बहादुर तामाङको जोडीले स्वर्ण जिते । राष्ट्रिय टिमकै सन्जिला तिमलसिना र अस्मिन राउतको जोडीले रजत र भ्याली डिआईभीका रोश्नी श्रेष्ठ, विश्वनाथ श्रेष्ठ र राष्ट्रिय टिमका स्वस्तिका तामाङ र राम गोलेको जोडीले काँस्य जिते ।

जुनियर पुरुष टिम पुम्सेमा राष्ट्रिय टिमका कृष्ण बहादुर तामाङ, अस्मिन राउत र राम गोलेको समूहले स्वर्ण पदक हात पारेका छन् । यसैगरी भ्याली डिआईभीका बिबेक लामा, सुजन श्रेष्ठ र विश्वनाथ श्रेष्ठको समूहले रजत पाए ।
जुनियर महिला टिम पुम्सेमा राष्ट्रिय टिमका निशा दर्नाल, स्वस्तिका तामाङ र सन्जिला तिमलसिनाको समूहले स्वर्ण हात पारे । भ्याली डीआईभीले रजत जित्दा नेपालगन्ज तेक्वान्दोले काँस्य हात पारेको छ ।

सिनियर पुरुष पुम्सेमा राष्ट्रिय टिमका जित बहादुर बोटेले स्वर्ण जितेका छन् । राष्ट्रिय टिमकै प्रेम बहादुर लिम्बुले रजत, कमल श्रेष्ठ र शिशिर श्रेष्ठले काँस्य जिते । सिनियर महिला पुम्सेमा राष्ट्रिय टिमका पार्वती गुरुङले स्वर्ण, निता गुरुङले रजत, सिना माडेन र प्रशंम्सा श्रेत्रीले काँस्य जिते ।

जुपियर महिला पुम्सेमा राष्ट्रिय टिमका पार्वती गुरुङ र कमल श्रेष्ठको जोडीले स्वर्ण हात पार्दा सिना गुरुङ र जित बहादुर बोटेको जोडीले रजत हात पारे । भने राष्ट्रिय टिमकै निता गुरुङ, पे्रम बहादुर लिम्बुको जोडी र प्रशंम्सा श्रेत्री, शिशिर श्रेष्ठको जोडीले काँस्य जिते ।

सिनियर पियर पुम्सेमा कोटेश्वरका बिबेक लामा र सन्ध्या लामाको जोडीले स्वर्ण जित्यो । गोदावरीका श्रीजल श्रेष्ठ र संगम थापाले रजत र चितवनका सागर बराल र आचल वाचापाई र काभ्रेस्तलीका उगेन तामाङ र आयुसा लामाको जोडीले काँस्य हात पारे ।

३० वर्षमाथि पुरुष टिम पुम्सेमा राष्ट्रिय टिमका सिन्जव कुमार ओझाले स्वर्ण जिते । जगदिश सिंह पालीले रजत र सुरज श्रेष्ठले काँस्य हात पारे । ३० वर्षमाथि महिला टिम पुम्सेमा राष्ट्रिय टिमकी आयसा शाक्यले स्वर्ण हात पारिन् । भ्याली डिआईभीकी मिरा काफ्लेले रजत जितिन् ।

पुरुष टिम पुम्सेमा राष्ट्रिय टिमका कमल श्रेष्ठ, जित बहादुर बोटे र प्रेम बहादुर लिम्बुको समूहले स्वर्ण जितेका छन् । भने शिशिर श्रेष्ठ, नोर्बु मोक्तान र दिपेन्द्र गुरुङको समूहले रजत जित्यो । महिला टिम पुम्सेमा राष्ट्रिय टिमकी पार्वती गुरुङ, सिना माडेन र निता गुरुङको समूहले स्वर्ण र प्रशंम्सा श्रेत्री, सुशिला राई र निर्मला बि।केको समूहले रजत हात पारे ।
प्रतियोगिताको गेरुकी जुनियर पुरुष यु–४२ के।जीमा कोटेश्वरका सागर सिंह ठकुरीले स्वर्ण हात पारे । माइतीका सुजन सिल्वालले रजत, कपनका बिजय होगु र एसओएस बाल्ग्राम लुम्बििनीका विकल्प शाहीले काँस्य जिते ।

जुनियर पुरुष यु–४५ मा दिलिप मेमोरियलका सागर मगरले स्वर्ण, बिरगंजका अब्ताब आलमले रजत, चुनिदेवीका कोर्मा नोर्बु शेर्पा र सितापाइलाका सुरज गिरीले काँस्य जितेका छन् । यु–४८ तर्फ युनाइटेडका पुजन खड्काले स्वर्ण, बिरगंजका शिभम् शर्माले रजत, पारसीका सुजाव यादव र दिलिप स्मृतिका अभिषेक कार्कीले काँस्य जिते । यु–५१ तर्फमा युनाइटेडका श्रपेश तामाङले स्वर्ण, युनाइटेडकै सुशन पाण्डे रजत, भक्तपुरका संजोग लामा र कोप्पेजका सुमन याखा राईले काँस्य जितेका छन् ।

जुनियर महिला यु–४० तर्फमा युनाइटेडकी स्वस्तिका मर्हजनले स्वर्ण, युनाइटेडकै सुप्रिमा बाजगाईले रजत, प्रस्फुटन तेक्वान्दोकी गरिमा श्रेष्ठ र धरान तेक्वान्दोकी इन्दिरा थापाले काँस्य हात पारेका छन् । यु–४२ मा भ्याली डिआइआईभीकी सदिक्षा कार्कीले स्वर्ण र प्रतिक्षा खड्काले रजत हात पारिन् । बर्दियाकी भूमिसारा खत्री र युनाइटेडकी अस्मिता महर्जनले काँस्य हात पारे ।

यु–४४ तर्फमा धरानकी आस्मा राईले स्वर्ण जितिन् । यु–४६ तर्फ कोटेश्वरकी हिमानी थापा मगरले स्वर्ण हात पारिन् । सिनियर महिला यु–४६ तर्फ धनगढीकी गिता कात्याताले स्वर्ण, यु–४९ मा बिरगंजकी नजिया हसान सिध्धीकेले स्वर्ण हात पारे । यु–५३ मा बाँकेकी नेलिमा मल्लले स्वर्ण, यु–५७ तर्फ कोटेश्वरकी सुस्मिता मोक्तानले स्वर्ण र यु–६२ तर्फ राष्ट्रिय टिमकी इन्दिरा बस्नेतले स्वर्ण हात पारे ।

यु–६७ तर्फ भ्याली डिआईभीकी प्रतिज्ञा भण्डारीले स्वर्ण जितिन् । सिनियर पुरुष यु–५४तर्फ भ्याली डिआईभीका बिकास राईले स्वर्ण हात पारे । यु–५८ तर्फ भ्याली डिआईभीका नै राहुल कुमालले स्वर्ण जिते । यु–६८ तर्फ भ्याली डिआईभीका प्रकाश सिंह रातिगीले स्वर्ण, यु–७४ तर्फ चित्र बहादुर अधिकारीले स्वर्ण र यु–८० तर्फका भ्याली डिआईभीका नै रोशन बहादुर सिंहले स्वर्ण हात पारेका छन् ।