काठमाडौं । पोखरामा आयोजना हुने प्रेसिडेन्ट कप फुल कन्ट्याक्ट ग्राण्ड च्याम्पियनसिप कराते प्रतियोगितालाई नेपाल क्योकुसिन कराते (इको) संघले आर्थिक सहयोग गरेको छ ।
राजधानीमा सोमबार आयोजित एक कार्यक्रममा इको संघले प्रतियोगिताका लागि आयोजक नेपाल फुल कन्ट्याक्ट कराते महासंघलाई २ लाख ५० हजार रूपैयाँ नगद सहयोग गरेको छ ।
नेपाल फुल कन्ट्याक्ट महासंघका कोषाध्यक्ष कुमार श्रेष्ठ र नेपाल क्योकुसिन कराते (इको) संघका नरेशध्वज श्रेष्ठले सम्झौता पत्रमा हस्ताक्षर गरे ।
प्रतियोगिता भदौ १४ गते पोखरामा हुनेछ । प्रतियोगितामा ३२ महिला र ३२ पुरूष गरि ६४ खेलाडीले प्रतिस्पर्धा गर्ने छन् ।
प्रतियोगिताको बिजेताले १ लाख रूपैयाँ नगद पुरस्कार जित्नेछन भने उप बिजेताले ५० हजार रूपैयाँ नगद पुरस्कार जित्नेछ।
तेस्रो हुनेले २५ हजार रूपैयाँ नगद पुरस्कार जित्नेछ ।
