पोखरामा फुल कन्ट्याक्ट कराते हुने

काठमाडौं । नेपाल क्योकुसिन कान कराते संघको आयोजनामा प्रथम अल नेपाल फुल कन्ट्याक्ट कराते प्रतियोगिता पोखरामा हुने भएको छ ।

प्रतियोगिता भदौ १३ र १४ गते हुने आयोजक संघका महासचिव राजेन्द्र सुवेदीले जनाएका छन् । प्रतियोगितामा पुरुषतर्फ ८ तथा महिलामा ६ गरी १४ स्पर्धामा प्रतिस्पर्धा हुनेछ ।

विभिन्न २० संघ र तीन विभागीय टोली (आर्मी÷प्रहरी÷एपीएफ) का खेलाडीको सहभागिता रहने महासचिव सुवेदीले जानकारी दिए ।

आयोजक बाहेक प्रत्येक टिमले १ स्पर्धामा १ खेलाडी सहभागी गराउन पाउने प्रावधान छ । आयोजकले भने १ स्पर्धामा २ खेलाडीलाई सहभागी गराउन पाउने छ ।