छिरिङले एएसबिसी बक्सिङ च्याम्पियनसिप खेल्ने

काठमाडौं । कुवेतमा आयोजना हुने एएसबिसी स्कुल ब्वाईज बक्सिङ च्याम्पियनसिपमा नेपालका छिरिङ वाङ्ग्दि शेर्पाले प्रतिस्पर्धा गर्ने भएका छन् ।

अगष्ट १ देखि ९ सम्म संचालन हुने च्याम्पियनसिपमा छिरिङले ४९ केजी तौल समूहमा प्रतिस्पर्धा गर्ने छन् । च्याम्पियनसिपका लागि छिरिङ बिगत एक महिनाबाट तयारी गरिरहेका छन् ।

च्याम्पियनसिपका लागि छिरिङसँगै प्रशिक्षक राम चन्द्र थापा मगर र टिम म्यानेजरका रुपमा नेपाल बक्सिङ संघका सदस्य समेत रहेका स्कुल बक्सिङ समितिका संयोजक पुस्कर राज वन्त कुवेत जानेछन् । 

कुवेत जाने नेपाली बक्सिङ टिमलाई सोमबार राष्ट्रिय खेलकुद परिषद्का सदस्य–सचिव रमेशकुमार सिलवाल, संघका अध्यक्ष राम अवालेले लगायतले विदाई गरेका थिए ।