एजेन्सी । आईबिएफ लाइट वेल्टरवेट फाइटको दौरान रसियन बक्सर म्याक्सिम डाडासेभको निधन भएको छ ।
अमेरिकाको मेरिल्याण्डमा शुक्रबार सुब्रियल माटिसविरुद्धको खेलको क्रममा म्याक्सिम निधन भएको हो ।
फाइटको ११ औं राउण्डमा माटिसको कडा पन्चले टाउको लाग्दा म्याक्सिम घाइते भएका थिए । त्यसपछि उनलाई अस्पताल लगिएको थियो । तर, अस्पतालले २८ वर्षे म्याक्सिमलाई बचाउन सकेन ।
अस्पतालमा उनको आकस्मिक शल्यक्रिया गरिएको थियो । तर, म्याक्सिमको मस्तिष्कमा गहिरो चोट लागेको कारण उनलाई बचाउन नसकिएको अस्पतालले जनाएको छ ।
