काठमाडौं । थाईल्याण्ड ओपन कराते च्याम्पियनसिपमा पदक विजेता नेपाली कराते टिम स्वदेश फर्किएका छन् ।
च्याम्पियनसिपमा १ रजत र २ कास्य जितेको नेपाली टोली बुधबार स्वदेश फर्किएका हुन् ।
बैंककमा सम्पन्न च्याम्पियनसिपमा नेपालका मण्डेकाजी श्रेष्ठले पुरुष एकल कातामा रजत जितेका थिए । उनि प्लेयर अफ दि टुर्नामेन्ट समेत चुनिएका थिए ।
यस्तै ५ राष्ट्र समावेश महिला टिम कातामा नेपालले कास्य पदक जितेको थियो । त्यस्तै नेपालका दिवस श्रेष्ठले कुमुतेमा कास्य पदक जितेका थिए ।
नेपाली टोलीलाई कराते महासंघका सह अध्यक्ष दावा गुरुङ, सचिव ओम कृष्ण प्रसाई,राष्ट्रिय टोलीका प्रशिक्षक कुशल श्रेष्ठ र गंगाराम महर्जन लगायतले भव्य स्वागत गरेका थिए ।
च्याम्पियनसिपमा नेपालबाट १३ औं दक्षिण एशियाली खेलकुद (साग) का लागि बन्द प्रशिक्षणमा रहेका ११ खेलाडीले प्रतिस्पर्धा गरेका थिए ।
