एजेन्सी । इंग्ल्याण्डमा सम्पन्न १२ औं संस्करणको आईसीसी एकदिवसीय विश्वकप क्रिकेटको समापनसंगै क्रिकेट पण्डितहरुको विश्वकप 'ड्रिम टिम' सार्वजनिक हुने क्रम जारी रहेकोछ ।
भारतीय क्रिकेटका लिजेण्ड सचिन तेन्दुलकरले पनि आफ्नो विश्वकपको उत्कृष्ट-११ (ड्रिम टिम) सार्वजनिक गरेका छन् ।विश्वकपमा उत्कृष्ट प्रदर्शन गरेका १० राष्ट्रका खेलाडीमध्ये सचिनले आफ्नो उत्कृष्ट-११ खेलाडी छनोट गरेका हुन् ।
सचिनको रोजाईमा भारतका ५, विजेता इंग्ल्याण्डका ३, न्युजिल्याण्ड, बंगलादेश र अष्ट्रेलियाका १/१ खेलाडी परेका छन् । उनको रोजाईमा भारतका महेन्द्र सिंह धोनीले भने स्थान पाएका छैनन् ।
सचिनको ड्रिम टिमको कप्तान न्युजिल्याण्डका केन विलियम्सन रहेका छन् । यस्तै टिममा कप्तान विलियम्सनसँगै रोहित शर्मा, जोन्नी बेस्ट्रो, विराट कोहली, शकिब अल हसन, बेन स्टोक्स, हार्दिक पाण्ड्या, रविन्द्र जडेजा, मिचेल स्टार्क, जस्प्रित बुम्राह र जोफ्रा आर्चर रहेका छन् ।
