थाइल्याण्ड ओपनमा मण्डेकाजी 'प्लेयर अफ दि टुर्नामेन्ट'

काठमाडौं । थाईल्याण्ड ओपन कराते च्याम्पियनसिपमा नेपालका मण्डेकाजी श्रेष्ठ प्लेयर अफ दि टुर्नामेन्ट चुनिएका छन् ।

च्याम्पियनसिपको पुरुष एकल कातामा रजत जितेका मण्डेकाजी प्रतियोगितामा उत्कृष्ट चयन भएका हुन् । च्याम्पियनसिपमा उत्कृष्ट प्रदर्शन गर्नेहरुलाई यस अवार्ड दिने गरिन्छ ।

बैंककमा शनिबार उनले रजत जितेका थिए  । यस स्पर्धामा इन्डोनेसियाका खेलाडीले स्वर्ण जित्दा चीन र थाइल्याण्डका खेलाडीले कास्य जितेका थिए ।

प्लेयर अफ द टुर्नामेन्टको दोस्रो स्थानमा रहेका उनले ३ सय अमेरिकी डलर पाएका छन् । पहिलो भएका इन्डोनेसियाका खेलाडीले ५ सय र तेस्रो भएको चीनका खेलाडीले ३ सय डलर पाए ।  

च्याम्पियनसिपमा नेपालले १ रजत र २ कास्य जितेको छ ।  ५ राष्ट्र समावेश महिला टिम कातामा नेपालले कास्य पदक जितेको थियो । यस्तै दिवस श्रेष्ठले कुमुतेमा कास्य पदक जितेका थिए । 

च्याम्पियनसिपमा नेपालबाट १३ औं दक्षिण एशियाली खेलकुद (साग) का लागि बन्द प्रशिक्षणमा रहेका ११ खेलाडीले प्रतिस्पर्धा गरेका थिए ।