देबु र मोहन थाइल्याण्ड जाने

काठमाडौं । नेपालका दुई जुडो रेफ्री देबु थापा र मोहन सुनुवार थाइल्याण्डमा आयोजना हुने आईजेएफ कन्टिनेन्टल रेफ्री सेमिनार र परिक्षामा भाग लिने भएका छन् ।

रेफ्री सेमिनारमा सहभागिता जनाउन देबु र मोहन सोमबार त्यसतर्फ जाने भएका छन् । सेमिनार जुन ११ देखि १६ सम्म हुनेछ ।

सेमिनारमा सहभागिता जनाउने रेफ्रीहरुलाई आइतबार नेपाल जुडो संघका अध्यक्ष दीपकहर्ष बज्राचार्य, महासचिव धर्मकुमार श्रेष्ठ र अन्य पदाधिकारीहरूले विदाई गरे  ।