काठमाडौं । भियतनाममा सम्पन्न जिउ-जित्सु नो जी इन्टरनेसनल क्लब च्याम्पियनसिपमा नेपालमा खेलाडी डिविज पियाले दुई स्वर्ण पदक जितेका छन् ।
भियतनामको हो चि मिन शहरमा भएको च्याम्पियनसिपमा डिविजले पुरुष ७० केजी तौल समूह र ओभरल खुल्ला तौल समूहमा स्वर्ण जितेका हुन् । खुल्ला समूहमा स्वर्ण जित्ने क्रममा डिविजले आफूभन्दा ७ इन्ज अग्लो र ३० केजी तौल बढी भएका सर्बियाका खेलाडीलाई पहिलो राउण्डमै नकआउट गरेका थिए ।
थाइल्याण्डको स्टान फोर्ड युनिभर्सिटीमा एमबिए अध्यनरत ललितपुरका डिविजले बैंककको ब्राजिलियन जिउ-जित्सु स्पोर्ट्स क्लबबाट प्रतिनिधित्व गरेका थिए ।
