नेपालगंज । एपिएफ क्लबका राजु राईले आठौं राष्ट्रिय खेलकुद प्रतियोगिता अन्तर्गत जिम्न्यास्टिकमा ५ स्वर्ण पदक जितेका छन् ।
सोमबार पुरुषतर्फ राजुले फ्लोर इभेन्ट्समा स्वर्ण जिते । यस स्पर्धामा एपीएफकै दिनेश सुनुवारले रजत र प्रदेश ३ का उज्वल तिवारीले कास्य जिते ।
पोमेल हर्समा राजुले स्वर्ण जित्दा एपीएफकै रिकेश तामाङले रजत र प्रदेश ३ का त्रिवेद गिरीले कास्य जिते ।
राजुले पार्लर बारमा पनि स्वर्ण जिते । यस स्पर्धामा प्रदेश ३ का सत्यनारायण मानन्धर रजत र प्रदेश ७ का जितेन्द्र चौधरीले कास्य जिते ।
अलराउन्डरमा राजुले स्वर्ण जित्दा प्रदेश ३ का सत्यनारायण मानन्धरले रजत र एपीएफक बिष्णु बाटाले कास्य जिते ।
राजुले सातौं राष्ट्रिय खेलकुदमा ६ स्वर्ण जितेका थिए ।
भल्तिङको पुरुषमा प्रदेश ३ का उज्वल तिवारीले स्वर्ण जित्दा एपीएफका राजुले रजत र प्रदेश ३ का त्रिवेद गिरीले कास्य जिते ।
![](https://scontent.fktm4-1.fna.fbcdn.net/v/t1.15752-9/57551923_393421491247107_495587596156534784_n.jpg?_nc_cat=107&_nc_eui2=AeE3WM54H-f82VVavOemPV_9-zmYQz6b-X5oMjpDRp0-ZLmtg4RsywZffegS4cL6n0MK8kJl-dG3irR-K1ZJQn-Uc5ClP6qbauaQNGwP2KSmcg&_nc_ht=scontent.fktm4-1.fna&oh=67e198e2ce0380a300db34fd27eb690a&oe=5D437143)
महिला फ्लोरमा एपीएफकी पिंकी झाङले स्वर्ण, प्रदेश ३ कि तारा शिवाकोटीले रजत र आर्मीकी बिदिशा न्यौपानेले कास्य जितिन् ।
भल्तिङको महिलामा पनि पिंकी झाङले स्वर्ण हात पारिन् । यस्तै प्रदेश ३ कि तारा शिवाकोटीले रजत र आर्मीकी बिदिशा न्यौपानेले कास्य जितिन् ।
महिला अलराउन्डरमा प्रदेश ३ कि तारा शिवाकोटीले स्वर्ण, एपीएफकी लुमिला मानन्धरले रजत र प्रदेश ३ कि प्रकृति थापा मगरले कास्य जितिन् ।
टिम स्पर्धाको पुरुषमा एपीएफले स्वर्ण जित्दा, प्रदेश ३ ले रजत र प्रदेश ७ ले कास्य जित्यो ।
महिलातर्फ प्रदेश ३ ले स्वर्ण,एपीएफले रजत र प्रदेश ५ ले कास्य जितेका छन् ।