नेपालगंज । आठौं राष्ट्रिय खेलकुद प्रतियोगिता अन्तर्गत एघारौ राष्ट्रिय सफ्ट टेनिसमा ३ स्वर्णको टुगो लागेको छ ।
आईतबार भएको पुरुष युगलको फाईनलमा पुलिसका कमल भण्डारी र नौ बहादुर लुगेलीको जोडीले प्रदेश नं. १ का युकेश योन्जन र आशिष बोहराको जोडीलाई ५–४ को सेटमा पराजित गर्दै स्वर्ण हात पारेका हुन् ।
खेलमा प्रदेश नं. १ का युकेश योन्जन र आशिष बोहराको जोडी रजतमा चित्त बुझाए । प्रदेश नं. ३ का प्रदिप खत्री र वृजेश पाण्डे तथा प्रदेश नं. ५ का सुभम खनाल र सुरज चौधरीको जोडी तेस्रो हुदै कास्य पदक जितेका छन् ।
यसैगरि महिला युगलतर्फको खेलमा प्रदेश नं. १ का सुनिरा थापा र चन्द्रमाया राईको जोडीले स्वर्ण जितेका छन् । थापा र राईको जोडीले प्रदेश नं. ५ का आश्मा भुषाल र रितिका चौधरीको जोडीलाई फाईनलमा ५–० को सेटमा पराजित गर्दै स्वर्ण आफनो नाममा पारे । योसंगै प्रदेश नं. ५ का आश्मा भुषाल र रितिका चौधरी रजत पदकमा चित्त बुझाए । प्रदेश नं. १ का श्रीया योन्जन र जर्जिया चौधरीको जोडी तथा प्रदेश नं. ४ का प्रिति बराल र सृष्टिका उदासको जोडी तृतिय हुदै कास्य पदकमा चित्त बुझाएका छन ।
यसैगरि मिश्रित युगलतर्फको खेलमा प्रदेश नं. ३ का चन्द्रमाया राई र निर्मल स्थापितको जोडीले स्वर्ण हात पारेका छन् । राई र स्थापितको जोडीले फाईनलमा प्रदेश नं. १ का युकेश योन्जन र जर्जिया चौधरीको जोडीलाई टाईबेकरमा ७–५ मा जित निकाल्दै स्वर्ण जितेका हुन । युकेश योन्जन र जर्जिया चौधरीको जोडी रजत पदकमा चित्त बुझाए । आशिष बोहरा र श्रीया योन्जनको जोडी तथा सुरज चौधरी र रितिका चौधरीको जोडी तृतिय हुदै कास्य पदक पाएका छन ।
-1733129401.jpeg)
-1733125455.jpg)
