आईटीएफ तेक्वान्दोमा सोनीलाई स्वर्ण

नेपालगंज । सोनी खड्काले आठौं राष्ट्रिय खेल अन्तर्गत आईटिएफ तेक्वान्दोको स्पाईरिङमा स्वर्ण जितेकी छिन् ।

आईतवार भएको ४०–४५ केजी तौल समूहमा प्रदेश ३ की सोनीले आर्मीकी निस्मा बस्याललाई फाईनलमा हराएकी थिईन् । सोही तौल समूहमा आर्मीकी अप्सना तामाङ र सुदूरपश्चिम प्रदेशकी पुजा शाही सयुक्त काँस्य जिते ।

पुरुष ४६–५० को स्पाईरिङमा प्रदेश ५ का सुमन मस्यार्दी मगरले स्वर्ण,प्रदेश १ का बिशेष राईले रजत तथा प्रदेश ६ रवि सुनुवार र आर्मीका पूर्ण वहादुर मगर कास्य जिते । पुरुष ५१–५५ को स्पाईरिङमा प्रदेश ३ का अनिल तामाङले स्वर्ण,एपीएफका योगेन्द्र धिमालले रजत र प्रदेश ४ का सागर शम्सेर कुवँर र प्रदेश ५ रोशन आलेले कास्य जिते ।

म्हिला दोश्रो डान कालो पेटिको महिला प्याट्रनमा आर्मीकी निस्मा बस्यालले स्वर्ण तथा प्रदेश नम्बर तीनकी स्वेता राइले रजत पदक जिते । त्यस्तै महिला टिम प्याट्रनमा आर्मीले स्वर्ण तथा गण्डकी प्रदेशले रजत पदक जिते । स्वर्ण विजेता आर्मी टोलीमा तुलसा राजथला, रुविका खड्का,रिना धिमाल,कल्पना राइ र हिमा खड्का समाबेश थिए ।

पुरुष टिम प्याट्रनमा आर्मीले स्वर्ण तथा एपीएफले रजत पदक जिते । स्वर्ण विजेता आर्मीको टोलीमा भिम बहादुर तामाङ,लिलाधर बस्नेत, प्रेम बहादुर मगर, पूर्ण बहादुर र भिम बहादुर तामाङ समाबेश थिए ।