आर्मी पुरुष क्रिकेटको सेमिफाइनलमा

बाँके । त्रिभुवन आर्मी क्लब आठौं राष्ट्रिय खेलकुद अन्तर्गत पुरुष क्रिकेटको सेमिफाइनलमा प्रवेश गरेको छ ।

आइतबार भएको खेलमा प्रदेश ३ लाई ८ विकेटले पराजित गर्दै आर्मीले अन्तिम चारको यात्रा तय गरेको हो ।

बाँकेको कोहलपुर अन्तराष्ट्रिय क्रिकेट मैदानमा टस हारेर पहिले ब्याटिङ गरेको प्रदेश ३ ले १५ ओभर १ बलमा अलआउट हुँदै ४० रन बनायो ।

प्रदेश ३ का आदिल खान र इशान पाण्डेले समान १२/१२ रन बनाउन बाहेक अन्य ब्याट्सम्यानले दोहोरो अंक जोड्ने सकेनन् ।

प्रदेश ३ ले ११ रन अतिरिक्त पाएको थियो ।

प्रदेश ३ लाई सस्तैमा समेट्न साहब आलमले ३ मेडनसहित २ रन खर्चेर ६ विकेट लिए ।  यस्तै कुशल मल्लले ३ विकेट लिए ।

प्रदेश ३ बाट पाएको ४१ रनको लक्ष्य आर्मीले १० ओभर १ बलमा मात्र २ विकेट गुमाएर पुरा गर्यो । आर्मीको जितमा हरि बहादुर चौहानले अविजित १७ तथा भिम सार्कीले अविजित १५ रन बनाए ।

हरि कृष्ण झा सुन्य रनमा आउट हुँदा राजु रिजालले ६ रन बनाए ।

प्रदेश ३ का नन्दन यादव र गौतम केसीले १/१ विकेट लिए ।