रत्नलाई हराउँदै एपीएफका दिपेशले जिते स्वर्ण

घोराही । एपिएफ क्लबका दिपेश धामीले आठौं राष्ट्रिय खेलकुद अन्तर्गत ४० औं राष्ट्रिय ब्याडमिन्टन प्रतियोगिताको पुरुष एकलमा स्वर्ण पदक जितेका छन्  ।

घोराहीस्थित कभर्डहलमा शनिबार आर्मीका रत्नजित तामाङको एक छत्र राजलाई तोड्दै दिपेशले स्वर्ण पदक जितेका हुन् ।

स्वर्णको लागि भएको भिडन्तमा दिपेशले रत्नलाई २१-१६, २१-१४ को सोझो सेटमा पराजित गर्दै ईतिहास रचे । विगत ४ राष्ट्रिय प्रतियोगितामा जित निकाल्दै आफ्नो बर्चस्व बनाएका रत्नजित आठौंमा भने दिपेशसंग स्तब्ध भए ।

२०६९ सालमा काठमाडौंमा भएको ३६ औं राष्ट्रिय प्रतियोगितामा तत्कालिन नंम्बर एक खेलाडी बिकास श्रेष्ठलाई पराजित गर्दै नंम्बर एक भएका रत्नले त्यस पश्चात फर्केर हेर्नु परेका थिएन ।