दाङ । आठौं राष्ट्रिय खेलकुद अन्तर्गत एथ्लेटिक्सको डिस्कस थ्रो अन्तर्गत पुरुषमा त्रिभुवन आर्मी क्लबका चित्र बहादुर वलीले स्वर्ण जितेका छन् ।
दाङको बेलझुन्डीमा शनिबार चित्रले ३७.०२ मिटर टाढा फालेर स्वर्ण पदक जितेका हुन् । पुलिसका पुष्कल खड्काले ३३.५० मिटर फाल्दै रजत जित्दा प्रदेश १ का रञ्जित श्रेष्ठले ३२.६५ मिटर फाल्दै कास्य जिते ।
यस्तै महिला डिस्कस थ्रोमा आर्मी कै अमृता महतोले ३६.०३ मिटर टाढा फालेर स्वर्ण पदक जितिन् ।
प्रदेश ५ कि संगीता अधिकारीले ३२.८० मिटरसहित रजत र एपीएफकी जितकुमारी महतो ३१.८५ मिटरसहित कास्य पदक जितिन् ।
