बाँके । आठौं राष्ट्रिय खेलकुद अन्तर्गत बास्केटबलतर्फको सेमिफाईनल समिकरण पुरा भएको छ । सोमबार भएको खेलमा पुरुष र महिला स्पर्धाबाट अन्तिम ४ मा पुग्ने टोलीको टुङ्गो लागेको हो ।
महिला टिमबाट नेपाल पुलिस, नेपाल आर्मी, प्रदेश ७ र प्रदेश ३ अन्तिम ४ मा स्थान पक्का गरेका छन् ।
सोमबार प्रदेश ३ ले प्रदेश ५ लाई ४७–१२ अंकले पराजित गर्दा आर्मीले गण्डकी प्रदेशलाई ५९–३१ र प्रदेश ७ ले प्रदेश १ लाई ३३–२९ अंकले हरायो । पुलिसले एपीएफलाई ५७–३५ अंकले पराजित गर्यो ।
मंगलबार विहान हुने सेमिफाइनल खेलमा प्रदेश ३ र नेपाल आर्मी तथा प्रदेश ७ र पुलिस क्लब भिड्नेछन् । खेल बिहान साँढे ६ बजे सुरु हुने दाङ जिल्ला बास्केटबल संघका अध्यक्ष विपिन के.सीले बताए ।
त्यस्तै पुरुषतर्फको स्पर्धामा पुलिस, आर्मी, प्रदेश ३ र गण्डकी प्रदेश सेमिफाइनलमा प्रवेश गरे । क्वार्टरफाईनलको खेलमा आर्मीले प्रदेश १ लाई ७६–५५ अंकले हरायो ।
यस्तै प्रदेश ३ ले एपीएफलाई ६०–५१, पुलिसले प्रदेशलाई ६८–४२ र गण्डकी प्रदेशले प्रदेश ७ लाई ७५–४४ अंकले हराउँदै अन्तिम ४ को यात्रा तय गर्यो ।
सेमिफाईनलका खेल मंगलबार सुरु हुनेछन् ।
-1732413260.jpg)
