पुरुष हक्कीको सेमिफाईनल समिकरण पुरा

नेपालगञ्ज । आठौं राष्ट्रिय खेलकुद अन्तर्गत पुरुष हक्कीको सेमिफाईनल समिकरण पुरा भएको छ । सोमबार भएको खेलसंगै समुह एबाट सेमिफाईनल पुग्ने टोलीको टुङ्गो लागेको हो ।

समुह एबाट नेपाल पुलिस र आर्मी अन्तिम ४ मा पुगेका छन् ।

समुह बीबाट प्रदेश ५ र सुदर प्रदेश सेमिफाईनल पुगेका छन् ।

फाईनल प्रवेशका लागि पुलिसले सुदुर प्रदेशसंग तथा आर्मीले प्रदेश ५ संग प्रतिस्पर्धा गर्नेछ ।

बाँकेको मंगल प्रसाद माविको खेल मैदानमा सोमबार भएको खेलमा पुलिसले प्रदेश नम्बर २ लाई ६–० गोल अन्तरले हरायो । पुलिसको जितमा रोमन राणाले चार गोल गरे ।

उनले २१ औ, ३६ औ, ४५ औ र ४७ औ मिनेटमा गोल गरेका थिए । ३८ औ मिनेटमा योगेश कुमार बारघरे र ५३ औ मिनेटमा केशवराज जोशीले गोल गरेका थिए ।

खजुरास्थित शुक्र माविमा भएको महिला हक्की प्रतियोगिताको तेस्रो दिन सोमवार विहान भएको पहिलो खेलमा गण्डकी प्रदेशले प्रदेश २ लाई २–० ले पराजित गरेको छ । खेलको २१ औँ मिनेटमा गण्डकी प्रदेशकी सविना पुनमगरले गोल गरिन् ।

तेस्रो क्वार्टरमा प्रदेश २ ले राम्रो अवसर पाएपनि गोल गर्न सकेन । त्यसको फाइदा उठाउँदै ५८ औँ मिनेटमा गण्डकी प्रदेशकी करुणा दर्लामीले गरेर २–० ले आफ्नो टिमलाई अग्रता दिलाइन् ।

त्यसैगरि नेपाल आर्मी र सुदूरपश्चिम प्रदेश वीच भएको खेल बराबरी भएको छ । खेलको २७ औँ मिनेटमा सुदूरपश्चिमकी अनिता श्रेष्ठले गोल गरिन । त्यसको जवाफमा नेपाल आर्मीकी दिपकुमारी घलेले १ गोल गरेर आफ्नो टिमलाई बराबरीमा ल्याइन् । खेल अवधिभर नेपाल आर्मीले दुई र सुदूरपश्चिमले एउटा पेनाल्टी कर्नर पाएको थियो ।