बाँके । आठौं राष्टिय खेलकुद प्रतियोगिताको मुख्य केन्द्र नेपालगञ्ज रंगशालाको भिआईपीतर्फको प्याराफिट जडानको काम तिव्र गतिमा अघि बढेको छ ।
रंगशालाको फुटबल मैदान र साधारणतर्फको प्याराफिट तयार भएपनि भिआईपीतर्फको प्याराफिट निर्माणको काम पुरा हुन सकेको छैन । भिआईपीतर्फको छानो हाल्ने काम सकिएको छ । तर प्याराफिट निर्माणको काम समयमै सकिनेमा आशंका छ । प्याराफिट निर्माणसंगै अहिले सिट जडानको काम तिव्र गतिमा अघि बढेको छ ।
रंगशालाको स्तरोउन्नती पछि फुटबल मैदानको लम्बाई करिब १०५ मिटर र चौडाई ६८ मिटरको हुनेछ । फुटबल मैदानको प्याराफिटको क्षमता वृदि गरेर १० हजार पुर्याउने लक्ष्य राखिएको छ । साँढे ६ करोडको लागतमा फुटबल मैदान तथा साधारण तर्फको प्याराफिट तयार गरिएको छ ।
भिआईपी प्याराफिट निर्माणका लागि करिब १९ करोड रुपैयाँ विनियोजन गरिएको छ ।
फोटोमा हेर्नुहोस् -
तस्बिर: रमेश सुवेदी/खेलपाटी
बाँकी दृष्य भिडियाेमा हेर्नुस :
