बर्दिया । आठौं राष्ट्रिय खेलकुद अन्तर्गत राष्ट्रिय कबड्डीको पुरुषमा एपीएफले नेपाल पुलिस क्लबलाई पराजित गरेको छ ।
बर्दियाको बाँसगढी कबड्डी एकेडेमीमा आइतबार एपीएफले पुलिसलाई ५८–३६ ले हरायो । यस्तै गण्डकीले कर्णाली प्रदेशलाई ७५–३६, सुदूर पश्चिम प्रदेशले प्रदेश १ लाई ७६–४४, प्रदेश ३ ले प्रदेश २ लाई ४६–३३, आर्मीले एपीएफलाई ३९–१९, प्रदेश ५ ले गण्डकीलाई ४५–२३ र प्रदेश १ ले प्रहरीलाई ६२–३६ ले पराजित गरेको छ ।
महिलातर्फ प्रदेश ५ ले कर्णाली प्रदेशलाई ४१–२९ र पुलिसले एपीएफलाई ४०–१९ ले हराएको छ । अन्य खेलमा गण्डकीले प्रदेश २ लाई ४५–२९, प्रदेश ३ ले प्रदेश १ लाई ७१–१९, आर्मीले प्रदेश ५ लाई ४८–१५, प्रहरीले सुदूर पश्चिमलाई ३०–२२ र प्रदेश २ ले कर्णालीलाई ४२–१८ ले हराए ।
