नेपालगञ्ज । आठौं राष्ट्रिय खेलकुद अन्तरगत ब्याडमिन्टनको महिला टिम ईभेन्ट्सको सेमिफाइनल समिकरण पुरा भएको छ ।
आईतबार भएको खेलमा त्रिभुवन आर्मी क्लब, एपिएफ क्लब, सुदूरपश्चिम र प्रदेश १ ले अन्तिम चारमा स्थान बनाउन सफल भएका छन् ।
नेपाली सेनाको त्रिभुवन आर्मीले प्रतियोगिताको पहिलो दिन आईतबार कर्णाली प्रदेशलाई २ – ० ले पराजित गर्दै अन्तिम चारमा स्थान बनाएको हो ।
अब सेनाले सुदूरपश्चि प्रदेशसंग फाईनल प्रवेशका लागि प्रतिस्पर्धा गर्ने छ । सुदूरपश्चिमले प्रदेश २ लाई २ – ० को नै जित निकाल्दै सेमिफाईनल यात्रा तय गरेको हो ।
यस्तै सशस्त्र प्रहरी बलको एपीएफ क्लबले प्रदेश ५ लाई २ – ० ले पाखा लगाउँदै प्रदेश १ संगको भेट पक्का गरेको हो । प्रदेश १ ले गण्डकी प्रदेशलाई २ – ० को जित निकाल्दै सेमिफाइनलमा प्रवेश गरेको हो ।
