मोरङबाट यू–१५ प्रतियोगिताका लागि ४४ खेलाडी छनोट

काठमाडौं। मोरङ जिल्ला फुटबल संघले अजरबैजानमा आयोजना हुने यू–१५ फुटबल प्रतियोगिताका लागि मोरङबाट ४४ जना खेलाडी छनोट गरेको छ।

संघका अध्यक्ष सञ्जीव बुढाथोकीका अनुसार मोरङका विभिन्न १० स्थानमा गरिएको प्रारम्भिक छनोटबाट उत्कृष्ट खेलाडीहरूलाई बेलबारीमा आयोजित जिल्ला छनोटमा सहभागी गराइएको थियो। सोही छनोटबाट ४४ जना खेलाडी प्रदेश छनोटका लागि छनोट भएका हुन्।

कुशल तामाङ, पवन टुडु, अजित रोक्का, एभिन डंगोल, जैनिश प्रधान, विनम परिय्यार, सुवर्ण श्रेष्ठ, तेजकुमार विश्वकर्मा, दिपेन बर्देवा, नमाहाङ लिम्बू, राजेश नेपाली, आनस अन्सारी, नवीन राई, स्पन्दन राई, सोहन पुरी, सुसान्त कार्की, रविक पाल्पाली मगर, पर्वत भगत, प्रशन्ना भुजेल, आयन महतो, रुवल राई र सरल राई छनोट भएका छन्।

त्यसैगरी देव परिय्यार, आइतबहादुर कार्की (आईलव), प्रभात परिय्यार, अविक्शन राई, रिजान चेम्जोङ, चन्द्रबहादुर, अरिसम तामाङ, एन्जल लिम्बू, सुप्रिम राई, निश्चल लकान्द्री, अपिल धिमाल, रोमन लिम्बू, आयन लिम्बू, अनमोल श्रेष्ठ, डेविड धिमाल, योमन लिम्बू, रोशन थापामगर, धिरेन दाहाल, सुशान्त खवास, सविन खड्का, सुहाङ लिम्बू र शिशिर मगर पनि छनोट भएका छन्।

संघका अनुसार छनोट भएका खेलाडीहरूको प्रदेशस्तरीय छनोट प्रक्रिया हुनेछ। धरान–१७ स्थित एकता एकेडेमीको खेलमैदानमा छनोट १३ र १४ गते बिहान ७ बजेदेखि सञ्चालन हुनेछ।