काठमाडौं । नेपाली एथ्लेटिक्स खेलाडी आशिष चौधरीले जापानमा विशेष प्रशिक्षण गर्ने भएका छन् । नेपाल ओलम्पिक कमिटीको विशेष पहलमा आशिषले विशेष प्रशिक्षणको मौका पाएका हुन् ।
सन् २०२० मा जापानको टोकियोमा हुने ओलम्पिक खेलकुदको तयारी स्वरुप आशिषले जापानमा विशेष प्रशिक्षणको मौका पाएका हुन् ।
२२ बर्षे आशिषले जापानको टोकियोस्थित एसियन एथ्लेटिक एकेडमीमा प्रशिक्षण गर्नेछन् । आशिषले फेब्रुवरी १८ देखि मार्च ३ सम्म प्रशिक्षण गर्ने छन् ।
जापान जान लागेका आशिषलाई नेपाल ओलम्पिक कमिटिका अध्यक्ष तथा संसाद जीवन राम श्रेष्ठ लगायतले विदाई गरे ।
