नेपालको एसियन गेम्सको ढोका बन्द

काठमाडौं। चीनसँग पराजित भएसँगै नेपाली महिला टोलीको एसियन गेम्सको ढोका बन्द भएको छ।

आइतबार सम्पन्न खेलमा चीनले डीएसएस मेथडअनुसार नेपालमाथि ५ विकेटको जित निकालेको हो। नेपाल आईसीसीको वरीयतामा २१औं स्थानमा रहेको टोली हो।

चीन भने ४२औं स्थानमा छ। नेपालले दिएको ४४ रनको लक्ष्य पछ्याएको चीनले ७ ओभरमा ५ विकेट गुमाउँदै ४५ रन बनाएको हो। एसियन गेम्समा छनोट हुन कम्तीमा तेस्रो स्थान हात पार्नुपर्ने थियो।

तर, सेमिफाइनलमा मलेसियासँग २ विकेटले पराजित हुँदै तेस्रो स्थानमा खेल्न पुगेको नेपाललाई चीनले पनि धक्का दिएको हो।

यसअघि समूह चरणको पहिलो खेलमा नेपालले चीनलाई नै १९ रनले हराएको थियो।